Իվան Սլավինսկու կանացի կերպարները

         

Եթե նայենք Սլավինսկու կողմից ստեղծված կանացի կերպարներին, ապա կարելի է տեսնել ռեալ կերպար, բայց միևնույն ժամանակ՝ նրանում կա ինչ-որ խորհրդավոր, չբացահայտված երանգ, մի բան, որ այնքան էլ ռեալ չէ: Այդ կերպարներում կա հմայիչ գեղեցկություն, որը և, ձգում է դիտողի հայացքը: Խորհրդավորությանը լրացնում է նաև գույների գամման: Իսկ կարմիր գույնով, նա հիանաիորեն ընդգծում է կանացի գեղեցկությունը: Առհասարակ, այն հիմնական ժանրը, որում աշխատում է նկարիչը՝ երևակայական ռեալիզմն է, և հենցդա է պատճառը, որ նա որոշել է միացնել այս երկուսը: Քանի որ, կանացի կերպարներին նայելիս կարելի է տեսնել որ դրանցում կա խորհրդավոր, ֆանտաստիկ մի բան: Դրանցում վերերկրային գեղեցկություն ու եթերայնություն կա,  ինչն էլ հենց գրավում դիտողի ուշադրությունն ու ստիպում մի պահ կանգ առբել այդ ստեղծագործությունների առջև և հիանալ այդ հնայքով, որ փոխանցում է նկարիչը, իսկ կերպարներին հաղորդված խորհրդավորությունը ստիպում է խորհել, փորձել բացահայտել դրանց հմայքի, խորհրդավորության գաղտնիքները, հասկանալ նրանց էությունը:

Կարելի է, և սխալ չի լինի, եթե ասենք, որ Իվան Սլավինսկուն վիճակված էր դառնալ նկարիչ, ինչը դեռ մանկության տարիներից արտահայտվում է նրա մեջ: Իր խոսքերի համաձայն. «Ես մոտավորապես հինգ տարեկան էի, երբ զգացի, թե որքան եմ հոգնել անընդհատ նույնն անելուց: Ես պատի վրա նկատեցի մի գեղեցիկ նկար՝ Ռաֆայելի վերատպություններից մեկը, և որոշեցի ստեղծել դրա կրկնօրինակը»:

Իվան Սլավինսկու ստեղծագործությունները լի են տամադրութամբ, ինչպես արդեն նշվեց, նա Կառնավալիզմ գեղանկարչական ուղղության ներկայացուցիչներից մեկն է ռուսական արվեստում և նրա՝ այս թեմայով և այս ոճում ստեղծված կտավներում իշխում են դիմակահանդեսային մոտիվները: Սլավինսկու արվեստում միախռնվում և իրար հետ հարևանությամբ ու հաշտ զուգակցվում են սյուրռեալիստական, ռեալիստական մոտիվները՝ ներթափանցված դեպի արվեստն ու պատկերվող կերպարներն ուղղված սիրով: Նրա՝ Սանկտ-Պետերբուրգի բազում կտավներում տեսնում ենք հայրենի քաղաքի հանդեպ ունեցած սերը, նվիրումը, այն պատկերելու մեջ տարբեր մեթոդների, մոտիվների և ոճերի միախառնումը: Սլավինսկին լույսի և գույնի վարպետ ու սիրահար է, ով փորձում է աշխարհը ներկայացնել իր սեփական հայացքից ներս:

Սլավինսկին տպագրել է երեք ալբոմ՝

 «Սլավինսկի: Իլլյուստրացիաների ալբոմ», տպագրվել է «Ազատ նկարիչների ընկերության» ցուցահանդեսի ժամանակ, 1992թ., «Սլավինսկի: Իլլյուստրացիաների ալբոմ: 37 աշխատանք», տպագրվել է 2006թ., «Պանտելեմոնսկյան» ցուցասրահի կողմից:

«Սլավինսկի: Իլլյուստրացիաների ալբոմ: Ժամանակի տերը», տպագրվել է 2007թ., Սլավինսկի անհատական ցուցասրահի կողմից՝ Slavinsky Art.

Սլավինսկին նաև շարքերի հեղինակ է,որոնք են՝ «Աշխարհների հավաքածու», «Աշխարհի ցուցափեղկ», «Կենդանի քար» շարքերը:

Իվան Եֆիմովիչ Սլավինսկի

  Իվան Եֆիմովիչ Սլավինսկին ծնվել է 1968թ. Փետ. 13-ին, Լենինգրադում: Ժամանակակից ռուս նկարիչ է, 1997թ. Ռուսաստանի նկարիչների միության  անդամ է: Մայրը՝ Գալինա Պատրաբոլովան, արվեստաբան էր, իսկ հայրը՝ Դմիտրիյ Օբոզնենկոն, РСФСР վաստակավոր արտիստ: Սլավինսկին ցույց է տալիս նոր իրականություն, պլաստիկական  խորհրդավորության, լույսի բռնկումների, ստվերի խաղի միացման մեջ մենք զարմանքով ճանաչում ենք մեզ այնքան ծանոթ և զանազան շրջապատող աշխարհը, որտեղ գեղեցիկի պահանջը, ինտելեկտը և էմոցիոնալ շոկը տիրում են հավասարապես: Առաջին հայացքից կոմպոզիցիան ծանրաբեռնված է դետալներով, լիովին ենթարկվում է գաղտնի փիլիսոփայական իմաստին, իսկ երբեմն էլ մեզ օգնում է գտնել լուծումներ, որոնք թույլ են տալիս մեր մեջ ինչ որ նոր բան բացահայտել, մտածել կողքով անցնող կյանքի մասին: Բավական է նայենք իքներս մեզ Սլավինսկու աչքերով, հասկանալու համար, թե ինչպիսին կլինենք մենք հետագա սերունդների հայացքում: Անզուսպ երևակայողը և վիզուալ հանելուկների վարպետը նկարել սկսել է մանկության տարիներից,պրոֆեսիոնալ հմտություններ ստացել է Գեղանկարչության Ակադեմիայի գեղանկարչական դպրոցում: Գեղանկարչի տաղանդը ժառանգել է հորից՝ հայտնի լենինգրադյան նկարիչ Դմիտրիյ Օբոզնիկովիցց: Իվան Սլավանսկու առաջին ցուցահանդեսը կայացել է Սանկտ-Պետերբուրգի «Ազատ նկարիչների ընկերության» ցուցասրահում՝ 1991թ.: Հանդիսատեսն ու քննադատները միաձայն կերպով խոստովանեցին,  որ նկարիչը յուրօրինակ տաղանդ ունի, և նա, միանգամից Սանկտ-Պետերբուրգում ճանաչում գտավ: Նրան հրավիրեցին Մոսկվայի ցուցասրահներում ներկայանալու: Ավելի ուշ, Սլավինսկին սկսել է  աշխատել արտասահմանում՝ բացառիկ պայմանագրերով՝ եվրոպական ցուցասրահներում ներկայանալու համար: Նրա կտավները զարդարել են Ֆրանսիական, Հոլանդական, Իտալական կոլլեկցիոներների հավաքածուները: Ֆրանսիայում, Մեծ Բրիտանիայում, ԱՄՆ-ում, Գերմանիայում, Իտալիայում, Հոլանդիայում նրան համարում են լավագույն ռոս նկարիչներից մեկը: 

1993թ. Սլավինսկին գնում է Ֆրանսիա, որտեղ ապրում և աշխատում է  համաձայն եվրոպական գալերեաների հետ պայմանագրի՝ շուրջ տաս տարի: Այդ ժամանակի ընթացքում, կայանում են նրա անհատական ցուցահանդեսները՝ Լուքսեմբուրգում, Դուբլինում (Իռլանդիա), Ստոկհոլմում, Մարսելում, Փարիզում և այլ քաղաքաներում: 2003թ. Իվան Սլավինսկին վերադառնում է Ռուսաստան, իսկ 2007թ. Հունիսի Սանկտ-Պետերբուրգում բացվում է բար անհատական պատկերասրահը, որի հետ նկարիչը մինչ օրս համագործակցում է: 2009թ. Իվան Սլավինսկին դառնում է բարեգործական նկարչական «Այբուբեն» ակցիայի նկարիչ-համադրող, որը կայանում է ամեն տարի՝ «Սուրբ ծննդյան տոնավաճառի» սահմաններում՝ Սանկտ-Պետերբուրգում: Ստեղծագործական տարբեր շրջաններում, Սլավինսկու ստեղծագոր-ծությունը վերագրում էին մեկ ռեալիզմին, մեկ սյուրռեալիզմին: Վրձնի ծայրին դնելով այս երկու ուղղությունների մաներաները, Սլավինսկին ստեղծում է իր ոճը և ստեղծագործական ձեռագիրը: Նա ստեղծում էր կտավների մեծ քանակություն, որոնց մասին խոսելիս պետք է նշել աղջկական պարզության, մետաքսի փափկության և մշուշված պատունում երևացող շարժի մասին: Սլավինսկու բացառիկ, յուրօրինակ ձեռագիրը թույլ չի տալիս նրա ստեղծագործությունը վերագրել որևէ գեղանկարչական մաներայի, նրա տաղանդը և վարպետությունը թույլ են տալիս նրան ազատ արտահայտվել, իրեն այդ պահին անհրաժեշտ ժանրում: 

«Երևակայական ռեալիզմ»-ը մի ժանր է, որում աշխատում է Իվան Սլավինսկին: Նշված ժանրի էությունը նոր ռեալիզմն է, որը նկարիչը փոխանցում է օգտագործելով պլաստիկ հանելուկների և փոխաբերությունների միջոցով: Որպես կտավների տարբերակիչ առանձնահատկություններ, հանդիսանում են փոխակերպումները, այլաբանությունները, բարդ գեղարվեստական կոմպոզիցիաները, գունային հարուստ ներկապնակը: Սլավինսկին  նաև դասական նատյուրմորտների հեղինակ է, որոնցում կան և՛ նավակներ ու աստրոլյաբներ և՛ իմպրեսիոնիստական ոճով արված դիմանկարներ, և՛ նկարներ, որոնք միջնադարյան ասպետների մասին են, և սյուրռեալիստական կտավներ, և՛ քաղաքային տեսարաններ: Իվան Սլավինսկու ստեղծագործական պրոֆեսիոնալ ակտիվությունը ընդգկում է ավելի քան քսան տարի:  «Երևակայական ռեալիզմ» անվանումը, որ հորինվել է արվեստաբանների կողմից՝ ասես հատուկ նրա համար: